Qazaxıstan, Astana, 22 dekabr/ Trend , müxbir K.Konırova/ Bakı - Supsa və Bakı -Batumi neft kəmərləri ixrac marşrutlarının diversifikasiyası baxımından "KazMunayqaz" üçün vacibdir, - Qazaxıstanın Milli Şirkətindəki mənbə Trend - a bildirib.
"Bakı - Batumi neft kəmərinin çəkilməsi ilə bağlı qeyd etmək lazımdır ki, bu layihə Batumi limanı istiqamətində neft ixracının təkmilləşdirilməsi variantlarından biri ola bilər", - mənbə deyib.
Onun sözlərinə görə, "indiyədək adı çəkilən boru kəməri ilə konkret tranzit həcmləri barədə hər hansı hesablama, həmçinin danışıqlar aparılmayıb".
"Bakı - Supsa neft kəmərinə dair söyləmək olar ki, bu marşrut Qazaxıstan neftinin beynəlxalq bazarlara tədarükü marşrutlarından biridir. Lakin Qazaxıstan Xəzər Nəqletmə Sistemi (QXNS) işə salınanadək bu neft kəməri barədə bir şey söyləmək tezdir", - mənbə deyib.
Onun sözlərinə görə, yalnız qeyd etmək olar ki, başlanğıc gücü ildə 23 mln. tona bərabər olacaq və sonradan 38 - 56 mln. tonadək genişləndiriləcək QXNS - in 2013 - cü ildə istismara verilməsi Azərbaycan və Gürcüstan ərazisində yerləşmiş neft nəqli sistemləri üçün QXNS-in buraxma gücü həcmində kifayət qədər ehtiyat bazası yaranacaq.
Müəlliflə əlaqə saxlamaq üçün elektron ünvan:
MüəM [email protected]
