Fransa, Starsburq, 28 yanvar/ Trend , müxbir A.Məhərrəmli/
Çexiya, Aİ - nin enerji baxımından zəifliyini göstərmiş qaz böhranını nəzərə alaraq, Avropa İttifaqına sədrliyi dövründə gələcəkdə belə böhranın təkrarlanmasının qarşısını ala biləcək qısa, orta və uzunmüddətli tədbirlərin tez bir zamanda qəbul edilməsinə kömək göstərməlidir, - Çexiya Respublikası Baş nazirinin Avropa işləri üzrə müavini Aleksandr Vondra Trend-ə müsahibəsində bildirib.
"Enerji mənbələri, marşrutları və tədarükçülərinin diversifikasiyası belə tədbirlərə aiddir. Xəzər regionu ölkələri bu baxımdan çox əhəmiyyətli rol oynaya bilərdilər. Biz Cənub dəhlizi sammitini təşkil edirik. Sammit Xəzər regionu ölkələri ilə uğurlu dialoqa başlamağımıza imkan verəcək, özü də yalnız enerji məsələləri üzrə yox", - Vondra vurğulayıb.
Böhran xüsusilə də
şərq qonşuları ilə təcrübə
mübadiləsinin Aİ üçün nə qədər
vacib olduğunu nümayiş etdirib. Çexiya, sədrliyi
dövründə "Şərq Tərəfdaşlığı"
Proqramını işə salacaq. Proqram Avropa İttifaqına
şərq qonşularına daha çox diqqət
ayırmağa imkan verəcək, - Çexiya Baş nazirinin
müavini deyib.
Çexiya Avropa İttifaqının iqtisadiyyatına da
böyük diqqət ayırmaq niyyətindədir.
"Aİ maliyyə böhranı nəticəsində ciddi iqtisadi tənəzzül yaşayır. Bizə durğunluqdan çıxmağa kömək etməli olan tədbirlərin - müxtəlif qısamüddətli stimullar və ya struktur islahatları kimi tədbirlərin həyata keçirilməsinə yardım etmək Çexiyanın sədrliyinin vəzifəsi olacaq.
Müəlliflə əlaqə saxlamaq üçün elektron ünvan: [email protected]