Azərbaycan, Bakı, 23 may / Trend , müx İ.Xəlilova /
Azərbaycan hökuməti imzalanan neft müqavilələri çərçivəsində xarici podratçılara olan tələbə düzəlişlər edib.
Cümə günü parlamentin vitse-spikeri Valeh Ələsgərovun bildirdiyinə görə, ratifikasiya edilmiş neft müqavilələrində xam neft ilə kompensasiya nəzərdə tutulur.
"Müqavilənin qüvvəyə mindiyi tarixdən başlayaraq, hər ay podratçılar hasil edilən xam neftin 40 faizini əvəzsiz olaraq SOCAR-a (Azərbaycan Dövlət Neft Şirkəti) verməlidirlər",- Ələsgərov bildirib.
Onun sözlərinə görə, bu, ümumi həcm 80 min tona çatdırılmasına qədər davam edəcək. Bununla belə, bu qayda hazırda parlament tərəfindən ratifikasiya edilmiş "Neftçala", "Xilə" və "Babazanan" müqavilə sahələrindən neft hasilatı üzrə SOCAR və Anshad Petrol arasındakı müqavilə üzrə tətbiq ediləcək.
Hazırda bu yataqlardan hər il ümumilikdə 45 min ton neft hasil edilir. Onların arasında qalıq ehtiyatları 8 milyon ton olması qiymətləndirilən ən böyük yataq "Neftçala" hesab olunur. Onun sözlərinə görə, "Xilə" yatağında ehtiyatlar 231 min ton təşkil edir. "Durovdağ-Babazan" yatağında da müəyyən qaz ehtiyatları mövcuddur.
"Bu yataqlar xarici sərmayəçilərə hasilatın həcminin artırılması məqsədi ilə yeni investisiyalar cəlb etməyə imkan yaradır", - vitse-spiker bildirib.
O, diqqətəlayiq fakt kimi hesab edir ki, orada 686 azərbaycanlı və yalnız bir əcnəbi çalışır.
Bu gün parlament daha iki müqaviləni ratifikasiya edib - SOCAR İngiltərənin Caspian Energy Group ilə Azərbaycanda yerləşən və Shirvan Oil operator şirkəti tərəfindən işlənilən "Kürovdağ" quru neft yatağının kəşfiyyatı, işlənməsi və bərpası və o cümlədən Fransanın Total şirkəti ilə perspektivli dəniz bloku "Abşeron" haqqında müqavilə imzalayıb.
Ələkbərovun sözlərinə görə, "Kürovdağ" yatağı üzrə kompensasiya 2207 ton həcmində müəyyən edilib.
"Bu həmçinin çox vacib göstəricidir, beləki, müqavilənin Azərbaycan hökuməti üçün gəlirlilik səviyyəsini müəyyən edir", - vitse spiker bildirib.
"Abşeron" dəniz bloku üzrə kompensasiya müəyyən edilməyib.
Məqalə müəllifi ilə əlaqə [email protected]
