Azərbaycan, Bakı, 10 avqust / Trend /
"Ekol mühəndislik xidmətləri" QSC və ABŞ-ın "Tetra Tech İnc." şirkəti Restone (ABŞ) şəhərində iqtisadi əlaqələrin qarşılıqlı nizamlanması haqqında protokol imzalayıb. Bu barədə QSC tərəfindən bazar ertəsi yayılan məlumatda deyilir. Protokol QSC başçısı Soltan Əliyevin ABŞ-a səfəri çərçivəsində imzalanıb.
Görüş çərçivəsində QSC rəhbərliyi şirkətin Restone və Vaşinqtondakı ofislərində öz imkanlarının təqdimatını keçirib.
Bu ilin may ayında "Tetra Tech İnc." şirkətinin nümayəndə heyəti Bakıda rəsmi səfərdə olub. Şirkət konsaltinq, mühəndis və texniki xidmətlərin dünya üzrə aparıcı tədarükçüsüdür.
2006-cı ilin mart ayının 1-də Abşeron yarımadasında ekoloji problemlərin həll edilməsi üçün yaradılan "Ekol" QSC-nin həmtəsisçiləri ARDNŞ (51 faiz) və "Lancer S.A. Services" (49 faiz) şirkətidir.