Azərbaycan, Bakı, 06 oktyabr / Trend /
ABŞ gələcəkdə də "Cənub enerji dəhlizi" layihəsinin genişlənməsinə kömək göstərməyə hazırdır, Bu barədə ABŞ-ın enegetika nazirinin müavini Daniel Poneman Bakıda ARDNŞ prezidenti Rövnəq Abdullayevin başçılıq etdiyi nümayəndə heyəti ilə görüşü zamanı deyib.
Abdullayev görüş zamanı deyib ki, "Cənub enerji dəhlizi" layihəsi Azərbaycan tərəfindən dəstəklənir. Bu layihə nöqteyi-nəzərindən "Şahdəniz" dəniz qaz-kondensat yatağının işlənməsi mühüm əhəmiyyət kəsb edir. Abdullayev Ponemanı Türkiyə və Türkmənistanla aparılan danışıqların gedişi barədə də məlumatlandırıb.
"ABŞ Azərbaycan-Qazaxıstan Xəzər dənizi nəqliyyat dəhlizinin yaradılması səylərini müsbət qiymətləndirir", - Poneman görüşdə belə deyib.
Abdullayev həmçinin qeyd edib ki, son 15 il ərzində neft və qaz ixracı marşrutlarının diversifikasiyası əldə edilib. Azərbaycanda güclü neft-qaz infrasrtukturu yaradılıb və Xəzərdə Avropa bazarları üçün hasil edilən enerjidaşıyıcıların çıxarılmasında heç bir texniki problem qalmayıb.
