Gürcüstan, Tbilisi, 09 oktyabr / Trend , müxbir N.Kirsxaliya/
Gürcüstanın Baş naziri Nika Qilauri hökumətin cümə günü keçirilən iclasında deyib ki, Gürcüstan və Rumıniya qaz layihələri üzrə birgə işləyəcəklər.
Onun sözlərinə görə, hər iki ölkənin energetika nazirləri mayeləşdirilmiş qazın Gürcüstandan Rumıniyaya nəqlini nəzərdə tutan razılıq imzalayıblar.
Gürcüstanın energetika naziri Aleksandr Xetaquri deyib ki, razılıqda terminalın tikintisinin əsas prioritet olacağı deyilir.
O deyib ki, bu layihə mayeləşdirilmiş qazın Xəzər dənizi hövzəsindən Qara dəniz vasitəsilə Avropaya nəqlini təmin edəcək.
Nazirin sözlərinə görə, razılıqda həmçinin o da qeyd olunub ki, tərəflər yaxın günlərdə işə başlayacaqlar və hökumət səviyyəsində enerji sahəsində əməkdaşlıq haqqında razılıq imzalanacaq.
Məqalə müəllifi ilə əlaqə ünvanı: [email protected]
