Türkmənistan, Aşqabad, 29 oktyabr / Trend , H.Həsənov/
İtaliyanın aparıcı neft-qaz korporasiyası olan Eni şirkətinin sədri Paolo Skaroni Türkmənistan Prezidenti Qurbanqulu Berdıməhəmmədovla görüşündə müştərək layihələri müzakirə edib.
Dövlət mətbuat xidmətindən bu gün verilən məlumata görə, "Türkmən bazarının perspektivlərini vurğulayan italiyalı biznesmen, birgə layihələrin reallaşdırılmasında aktiv iştirak etməyə hazır olduğunu bildirib". Öz növbəsində Türkmənistan Prezidenti bildirib ki, onun ölkəsi "həmişə konstruktiv dialoq üçün açıqdır, o cümlədən Avropa şirkətləri ilə".
Eni 2008-ci ildən Türmənistan bazarında fəaliyyət göstəriri. Həmin vaxt o, İngiltərənin Burren Energy plc şirkətinin səhmlərini almışdı. Bu müqavilə üzrə Eni-nin əsas rəqibləri Korea National Oil Corporation və Adani Welspun Exploration Limited şirkətləri idi. Beləliklə şirkət, Nebit-dağ meydanında olan Burun ərazisinin işlənməsinə razılıq əldə edib. Həmin ərazidə orta hesabla sutkada 12 min barrel neft hasil olunur.
Eni Spa şirkətinin baş direktoru Kaludio Deskalzi Aşqabadda keçirilən beynəlxalq investisiya forumunda iştirak edərkən Türkmənistanda qaz təchizatı mərkəzinin yaradılmasını təklif edib. Bundan başqa, Eni Xəzər regionundan Pakistan və Hindistana qaz nəql edən boru kəmərinin yaradılması ideyasına maraq göstərib.
Məqalə müəllifi ilə əlaqə ünvanı: [email protected]
