Türkmənistan, Aşqabad, 24 noyabr / Trend , müxbir H.Həsənov/
2010-cu il 14-15 aprel tarixində Aşqabadda ilk Beynəlxalq Qaz Konqresi keçiriləcək. Bu barədə "Türkmənqaz" dövlət konserni və Britaniyanın "Summit Trade Events" şirkətinin təşkilatçıları məlumat verib.
Türkmənistan Xəzər regionunda enerji bazarının "açar oyunçu"larından biri roluna iddia edir. Hər il burada xeyli hissəsi uzun müddət Rusiyaya və İrana ixrac olunan təxminən 70-80 milyard kubmetr qaz hasil edilir. Bu il isə Çinə marşrut açıq olacaq.
Türkmənistan bu gün dünyada qaz ehtiyatlarına görə 4-cü yeri tutur. "Türkməngeologiya" dövlət konserninin məlumatına əsasən, Türkmənistanda 38 neft, 82 qaz-kondensat yataqları, həmçinin 153 qaz yataqları, eləcə də quruda 142 və şelfdə 11 yataq açıqdır.
2006-cı ildə Mari vilayətində yerləşən çöx iri "Cənub Eloten-Osman" qaz-neft yatağı açılıb. Gaffney, Cline & Associates-in qiymətləndirmələrinə görə, ilkin qaz ehtiyatları 6 trilyon kubmetr, neft isə 300 milyon ton təşkil edir.
Məqalə müəllifi ilə əlaqə ünvanı: [email protected]
