...

ARDNŞ-nin Qara dəniz neft terminalı ilk nəzarət auditindən keçib

Energetika Materials 4 Dekabr 2009 17:04 (UTC +04:00)

Azərbaycan, Bakı, 04 dekabr / Trend /

ARDNŞ-nin Kulevi Qara dəniz neft terminalı İSO sisteminin ilk nəzarət auditindən keçib. Prosesi Moody International şirkətinin auditləri Rza Köknar və İlhan Babayev aparıblar. Bu barədə terminaldan verilən məlumatda deyilir.

"Gözlədiyimiz kimi, terminal bütün İSO standartlarına cavab verir", - Köknar deyib.

Ötən 6 aylıq fəaliyyətdən sonra terminal Moody International şirkətinin İSO 9001 (keyfiyyət menecment sistemi), İSO 14001 (iqtisadi menecment sistemi) və OHSAS 18001 (gigiyena və təhlükəsizlik menecmenti sistemi) sertifikatlarına layiq görülüb.

Kulevi terminalı keçən ilin may ayında istismara verilib, neft məhsullarının faktiki yüklənməsi isə iyun ayından başlayıb.

Terminalın yükboşaltmasının ümumi gücü üç milyon ton neft, üç milyon ton dizel yanacağı, dörd milyon ton mazut daxil olmaqla, ildə 10 milyon ton neft-maye yükü təşkil edir. O, eyni vaxtda 168-dək vaqon sistern qəbul edə bilər. Rezervuar parkının ümumi həcmi 320 min kubmetr təşkil edir. İki il ərzində terminalın buraxılış gücünün 15-20 milyon tona kimi artırılması planlaşdırılır.

Xəbər lenti

Xəbər lenti