Azərbaycan, Bakı, 25 yanvar / Trend , müxbir S.Əliyev/
Azərbaycan hökuməti "Bakı-Novorossiysk" şimal boru kəməri marşrutu ilə neft nəqlinin həcmi proqnozlarını dəyişib. Əgər əvvələr bu marşrutla 2010-cu ildə 1,8 milyon ton neft ötürülməsi nəzərdə tutulurdusa, hazırda bu göstərici 2,4 milyon ton təşkil edir. Bu barədə neft-qaz sahəsindəki mənbə deyib.
Proqnozların dəyişilmə səbəbləri açıqlanmır. Neftin 2010-cu ildə ötürülməsi həcminin azalması ARDNŞ-nin yerli neft emalı zavodlarında neft emalı həcminin artması ilə izah olunur.
2009-cu ildə "Bakı-Novorossiysk" boru kəməri ilə 2,5 milyon ton neft ötürülüb. 2008-ci ildə bu göstərici 1,3 milyon ton təşkil edib.
ARDNŞ Novorossiysk vasitəsilə şəxsi yataqlarından hasil edilən neftin və Azərbaycanda quruda fəaliyyət göstərən birgə müəssisə və əməliyyat şirkətlərinin neftinin daşınmasını həyata keçirir.
"Bakı-Novorossiysk" boru kəmərinin operatoru 2007-ci ilin sonunadək ABƏŞ olub, sonradan bu funksiyanı ARDNŞ-yə verib.