Аzərbaycan, Bakı, 1 iyul /Trend, müxbir E.İsmayılov/
Bu günlərdə ARDNŞ (Azərbaycan Dövlət Neft Şirkəti) Zərdab, Şıxbağı və Şərqi Şıxbağı quru sahələrində aparılan ikiölçülü geofiziki tədqiqatların yekunları üzrə hesabat hazırlığı işlərini başa çatdıracaq, - ARDNŞ-dən verilən məlumatda deyilir.
"Hesabatın müdafiəsi artıq hazırdır və hal-hazırda sənədləşmə və təsdiqlə bağlı işlər aparılır", - mənbədən verilən məlumatda deyilir.
Aparılan işlərin əsas məqsədi - geoloji tikilişin müəyyən olunması və neftin proqnozlaşdırılması, araşdırılan sahələrin təbii qaz ehtiyatlarının müəyyənləşdirilməsidir.
Layihənin sifarişçisi ARDNŞ-in "Azneft" İstehsalat Birliyidir.
Azərbaycanda 18-i dənizdə, qalanları isə quruda olmaqla 59 neft-qaz yatağı yerləşir.
