Azərbaycan, Bakı, 28 sentyabr /Trend, müxbir E.İsmayılov/
Xəzərin Azərbaycan sektorundakı "Şahdəniz" qaz-kondensat yatağında sutkalıq qaz hasilatı 24 milyon kubmetr təşkil edir. Bu barədə çərşənbə axşamı neft-qaz bazarındakı mənbə bildirib.
"Şahdəniz" yatağından hasil edilən qaz hazırda Gürcüstan və Türkiyəyə nəql olunur. Layihə çərçivəsində onun bir hissəsini Azərbaycan da alır.
Mənbənin dediyinə görə, yataqda hasil edilən qazın ümumi həcmindən 13-14 milyon kubmetr Bakı-Tbilisi-Ərzurum qaz kəməri ilə Türkiyəyə ixrac edilir, 8-9 milyon kubmetrə yaxını isə Azərbaycana verilir, qalan hissə Gürcüstana tədarük edilir.
Yatağın işlənməsinin birinci mərhələsində ən yüksək hasilat 8,6 - 9 milyard kubmetr səviyyəsində proqnozlaşdırılır. Proqnozlara əsasən, yatağın işlənməsinin birinci mərhələsi çərçivəsində burada qaz hasilatının həcmini ildə 25 milyard kubmetə çatdırmaq mümkün olacaq.
Bundan əvvəl BP-nin Türkiyə nümayəndəliyinin nümayəndəsi Can Sübhinin dediyi kimi, yatağın işlənməsinin ikinci mərhələsi çərçivəsində qaz hasilatına 2017-ci ildə başlamaq, 2010-ci ildə isə yayla səviyyəsinə çıxmaq planlaşdırılır.
"Şahdəniz" yatağının ehtiyatları 1,2 trilyon kubmetr həcmində qiymətləndirilir.
"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: BP (operator) - 25,5%, "Statoil" - 25,5%, NICO - 10%, "Total" - 10%, "LukAgip" - 10%, TPAO - 9%, ARDNŞ - 10%.