Gürcüstanda Bakı-Tbilisi-Qars layihəsi çərçivəsində iclas keçiriləcək
Azərbaycan, Bakı, 14 yanvar/Trend, müxbir E.İsmayılov/
Yanvarın sonunadək Tbilisidə Azərbaycan, Gürcüstan və Türkiyənin dəmiryol sistemini birləşdirəcək Bakı-Tbilisi-Qars dəmiryol nəqliyyatının yaradılması çərçivəsində nəqliyyat nazirləri və işçi qruplarının iclası keçiriləcək. Bu barədə cümə günü Azərbaycan Nəqliyyat Nazirliyindəki mənbə deyib.
Onun sözlərinə görə, hazırda iclasın vaxtı dəqiqləşdirilir, lakin onun bu ayın sonunda keçirilməsi nəzərdə tutulub.
İclada dəmiryolunun tikintisi çərçivəsində bütün məsələlərin, xüsusilə bu nəqliyyatın Gürcüstandan keçən hissəsinin tikintisinin maliyyələşdirilməsi məsələsinin baxılması və müzakirəsi planlaşdırılıb.
Bundan əvvəl "Azərbaycan Dəmir Yolları" QSC-dəki mənbə bildirmişdi ki, Azərbaycan hökuməti Bakı-Tbilisi-Qars dəmir yolunun Gürcüstan hissəsinin tikintisinin maliyyələşdirilməsinə əlavə 500 milyon dollar verməyə hazırdır. Əvvəllər Gürcüstan hissəsinin tikintisinə Azərbaycan tərəfdən artıq ölkənin Dövlət Neft Fondundan 200 milyon dollar ayrılıb. Bu kredit illik bir faiz olmaqla 25 ilə hesablanıb.
Bakı-Tbilisi-Qars layihəsi çərçivəsində dəmiryol magistralının yeni 105 km-lik qolunun tikintisi də planlaşdırılır. Bunun 76 km-i Türkiyə, 29 km-i isə Gürcüstan ərazisindən keçəcək. Bundan əlavə, nəqletmə gücünü ildə 15 milyon ton yükə çatdırmaq üçün Gürcüstanda Axalkalaki-Marabda-Tbilisi dəmiryol məntəqəsi yenidən qurulacaq.
Bakı-Tbilisi-Qars layihəsi çərçivəsində dəmiryol magistralının yeni 105 km-lik qolunun tikintisi də planlaşdırılır. Bunun 76 km-i Türkiyə, 29 km-i isə Gürcüstan ərazisindən keçəcək. Bundan əlavə, nəqletmə gücünü ildə 15 milyon ton yükə çatdırmaq üçün Gürcüstanda Axalkalaki-Marabda-Tbilisi dəmiryol məntəqəsi yenidən qurulacaq.
Bundan əvvəl Azərbaycanın nəqliyyat naziri Ziya Məmmədovun dediyinə görə, Azərbaycan, Gürcüstan və Türkiyənin dəmiryol sistemini birləşdirəcək Bakı-Tbilisi-Qars dəmiryolunun tikintisi çərçivəsində işlərin 2012-ci ilin birinci yarısında başa çatdırılması planlaşdırılıb.
Dəhlizin yüksək buraxılış qabiliyyəti 17 milyon ton yük təşkil edəcək. İlkin mərhələdə bu göstərici 1 milyon sərnişin və 6,5 milyon ton yük təşkil edəcək.
