Azərbaycan, Bakı, 18 yanvar /Trend, müxbir E. İsmayılov/
2001-ci ildən ötən il dekabrın 31-dək Azərbaycan Respublikası Dövlət Neft Fonduna (ARDNF) daxilolmalar 83,7 milyard dollar (67,4 milyard manat) təşkil edib. Bu barədə cümə günü Trend-ə ARDNF-dən bildirilib.
ARDNF-dən deyilib ki, göstərilən dövr ərzində ARDNF-nin xərcləri 49,6 milyard manat (40,6 milyard manat) təşkil edib.
Bu dövr ərzində daxilolmaların 95,5 faizindən çoxu Xəzərin Azərbaycan sektorundakı "Azəri-Çıraq-Günəşli" neft-qaz yataqlar blokunun, həmçinin "Şahdəniz" qaz-kondensat yatağının işlənməsindən əldə edilən gəlirlər olub.
2001-2012-ci illər ərzində vəsaitlərin idarə edilməsindən 2 milyard dollar, bonus ödənişlərindən 0,4 milyard dollar daxil olub, digər daxilolmaların payına 0,7 milyard dollar düşüb.
Həmçinin 2008-2011-ci illərdə Fonda Bakı-Tbilisi-Ceyhan neft kəməri layihəsindən dividentlər şəklində 0,6 milyard dollar daxil olub.
2013-cü il yanvarın 1-nə olan məlumata görə, ARDNF-nin aktivləri 34,1 milyard dollar təşkil edib.
