Azərbaycan, Bakı, 18 noyabr /Trend, müxbir E.İsmayılov/
2013-cü ilin yanvar-oktyabr ayları ərzində Bakı-Tbilisi-Ceyhan (BTC) əsas ixrac boru kəməri vasitəsilə ötən ilin analoji dövründəki 27,7 milyon tona qarşı 27,4 milyon ton neft nəql olunub. Bu barədə Trend-ə bazar ertəsi Dövlət Statistika Komitəsindən bildirilib.
2013-cü ilin yanvar-oktyabr ayları ərzində Bakı-Tbilisi-Ceyhan (BTC) əsas ixrac boru kəmərinin payına ölkənin bütün magistral neft kəmərləri ilə nəql olunan neftin üçdə biri düşüb.
Hesabat dövründə ölkənin magistral neft kəmərləri ilə 36,24 milyon ton neft nəql olunub.
Dövlət Statistika Komitəsinin məlumatına görə, yanvar-oktyabr aylarında Cənubi Qafqaz qaz kəməri (Bakı-Tbilisi-Ərzurum) ilə 3,8 milyard kubmetr qaz nəql olunub. 2012-ci ilin analoji dövründə bu rəqəm 3,3 milyard kubmetr təşkil edib.
Yanvar-oktyabrda ölkənin magistral qaz kəmərləri ilə ümumilikdə 16,2 milyard kubmetr qaz nəql olunub.
