Azərbaycan, Bakı, 10 sentyabr /Trend, müxbir Emil İsmayılov/
Azərbaycan Respublikası Dövlət Neft Şirkəti (ARDNŞ) Xəzərin Azərbaycan sektorundakı "Ümid" yatağı və "Babək" perspektiv strukturunun birgə işlənməsi üzrə tender elan edib. Trend-in məlumatına görə, bunu çərşənbə günü jurnalistlərə ARDNŞ-nin birinci vitse-prezidenti Xoşbəxt Yusifzadə deyib.
Onun sözlərinə əsasən, hazırda iki quyunun işlədiyi "Ümid" yatağında tenderin elan edilməsi haqqında qərarın qəbul edilməsi ilə yeni quyuların qazılması üzrə işlər dayandırılıb. Həmçinin yataqda ikinci platformanın tikintisi üzrə planlar çərçivəsində işlər dayandırılıb.
X.Yusifzadə işin dayandırılmasını onunla izah edib ki, tenderin qalibinin yatağın işlənməsi prosesinə qarşı digər yanaşması ola bilər.