Azərbaycan, Bakı, 11 sentyabr /Trend, müxbir Emil İsmayılov/
2014-cü il sentyabrın 1-nə Azərbaycanın qaz operatorunun abonentlərinin sayı ilin əvvəli ilə müqayisədə 3,4 faiz artaraq 1 703 605 təşkil edib. Bu barədə Trend-ə ARDNŞ-nin "Azəriqaz" İstehsalat Birliyindən (İB) məlumat verilib.
Qaz abonentlərinin ümumi sayından 719 875-i Bakının, 983 730-u isə digər bölgələrin payına düşür. Qaz abonentlərinin ümumi sayından 1 682 246-ı əhali kateqoriyasının payına, qalan 21 359-u isə digər kateqoriyaların payına düşür.
Bütün kateqoriyadan olan abonentlərin sayğacla təmin olunması 100 faizlik səviyyədədir.
2013-cü ilin yekununa görə, ARDNŞ-nin ümumi aktivləri 23,05 milyard manat təşkil edib. 2012-ci ildə bu məbləğ 21,87 milyard manat idi.
2012-ci ildə 1,08 milyard manat təşkil edən nizamnamə kapitalı 2013-cü ildə 1,32 milyard manat olub.