Azərbaycan, Bakı, 8 oktyabr /Trend, müxbir Emil İsmayılov/
2014-cü il oktyabrın 1-nə Azərbaycanın qaz operatorunun abonentlərinin sayı il ərzində 8 faiz artaraq 1 708 329 təşkil edib. Ötən ilin analoji dövründə onların sayı 1 580 474 olub. Bu barədə Trend-ə ARDNŞ-nin "Azəriqaz" İstehsalat Birliyindən (İB) məlumat verilib.
Qaz abonentlərinin ümumi sayından 1 686 850-si əhali kateqoriyasının payına, qalan 21 479-u isə digər kateqoriyaların payına düşür.
Qaz abonentlərinin ümumi sayından 721 875-i Bakının, 986 454-ü isə digər bölgələrin payına düşür.
Bütün kateqoriyadan olan abonentlərin sayğacla təmin olunması 100 faizlik səviyyədədir.
2013-cü ilin yekununa görə, ARDNŞ-nin ümumi aktivləri 23,05 milyard manat təşkil edib. 2012-ci ildə bu məbləğ 21,87 milyard manat idi.
2012-ci ildə 1,08 milyard manat təşkil edən nizamnamə kapitalı 2013-cü ildə 1,32 milyard manat olub.
