Azərbaycan, Bakı, 30 oktyabr /Trend/
Qaz nəqli sistemində və qaz şəbəkəsində təmir-quraşdırma işlərinin aparılması ilə əlaqədar oktyabrın 30-da Azərbaycanın və Bakının bir neçə rayonun təbii qaz təchizatında məhdudiyyətlər olacaq. Bu barədə cümə axşamı Trend-ə "Azəriqaz" İB-dən məlumat verilib.
Belə ki, saat 12:00-dək Suraxanı rayonun Qum adası yaşayış massivinə, saat 11:00-dan 13:00-dək Binəqədi rayonunun Sulutəpə və Çiçək qəsəbəsinə, saat 12:00-dan 14:00-dək Biləsuvar rayonunun bir hissəsinə, saat 15:00-dan 17:00-dək Qardağ rayonunun Sənqəçal və Umbakı qəsəbələrinə, işlər başa çatanadək isə Yevlax rayonunun bir hissəsinə təbii qazın verilişində fasilələr yaranacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
