...

Azərbaycanda qaz abonentlərinin sayı artıb

Energetika Materials 12 Noyabr 2018 15:55 (UTC +04:00)
Azərbaycanda qaz abonentlərinin sayı artıb.
Azərbaycanda qaz abonentlərinin sayı artıb

Trend-i buradan izləyin

Bakı. Trend:

2018-ci ilin yanvar-oktyabr ayları ərzində SOCAR-ın “Azəriqaz” İstehsalat Birliyində əhali sektoru üzrə 70 468 yeni abonent qeydiyyata alınıb.

Trend-in məlumatına görə, bunun 41 400-ü Bakı, Abşeron və Sumqayıt, 29 068-i isə regionlar üzrədir.

Yeni abonentlərin sayının artmasında abonent bazasının daha da genişləndirilməsi istiqamətində işlərin aparılması, yaşayış məntəqələrinin qazlaşdırılması və qaz təminatının bərpa edilməsi, həmçinin təbii qazla təmin olunmuş ərazilərin genişlənən hissələrindəki fərdi yaşayış evlərinin qazlaşdırılması olub.

Bundan başqa, Bakı şəhəri, ətraf qəsəbə və kəndlərdə abonentlərin qaz təchizatının yaxşılaşdırılması məqsədilə qaz kəmərlərinin yenidən qurularaq şəbəkənin genişləndirilməsi istiqamətində görülən məqsədyönlü işlər öz müsbət nəticəsini göstərib. Aparılan işlər nəticəsində ölkə üzrə təbii qazla təmin olunan abonentlərin sayı 2 164 319-a çatıb.

Qeyd edək ki, ötən ay ölkə üzrə təbii qazla təmin olunan abonentlərin sayı 2 154 614 idi.

Məqalədə:
Xəbər lenti

Xəbər lenti