Bakı. Ləman Zeynalova - Trend:
Azərbaycan Dövlət Neft Şirkəti (SOCAR) ilə birgə müəssisə olan Böyük Britaniyanın “Petrofac” şirkəti Azərbaycan və Gürcüstanda BP-nin əməliyyatlarının dəstəklənməsi üçün layihələrin idarə olunması xidmətləri üzrə müqavilə imzalayıb.
Trend bu barədə “Petrofac” şirkətinə istinadən məlumat verir.
Qeyd olunur ki, müqavilə 3 il müddətinə imzalanıb.
Müqavilə Xəzər regionunda dənizdə və quruda, “Azəri-Çıraq-Günəşli”, “Şahdəniz”, Bakı-Tbilisi-Ceyhan, Cənubi Qafqaz boru kəməri, Qərb boru kəməri (WREP) layihələrində BP-nin əməliyyatlarını əhatə edəcək.