...

BTC ilə digər ölkələrin neftinin nəqli davam edəcək - bp

Energetika Materials 1 Dekabr 2022 14:03 (UTC +04:00)
BTC ilə digər ölkələrin neftinin nəqli davam edəcək - bp

Trend-i buradan izləyin

Ləman Zeynalova
Ləman Zeynalova
Bütün xəbərlər

Bakı. Trend:

Bakı-Tbilisi-Ceyhan (BTC) boru kəməri ilə əvvəl olduğu kimi Xəzər regionundakı digər tərəfin neftinin nəqli davam edəcək.

Bu barədə “bp Azerbaijan”dan Trend-in boru kəməri ilə "LUKOIL" neftinin nəqlinin dayandırılması ilə bağlı sualına cavab olaraq bildirilib.

“BTC ilə “Azəri-Çıraq-Günəşli” (AÇG) yataqlar blokundan neftin, “Şahdəniz” yatağından hasil edilən kondensatın və Xəzər regionunda üçüncü tərəf neftinin razılaşdırılmış həcmlərinin nəqli üçün istifadə davam etdiriləcək”, - deyə şirkətdən qeyd edilib.

Qeyd edək ki, dekabr ayından etibarən “LUKOIL” Qərbin sanksiyaları səbəbindən Xəzərdəki yataqlarından neftin Bakı-Tbilisi-Ceyhan kəməri ilə ixracını dayandıracaq və onu Xəzər Boru Kəməri Konsorsiumu sisteminə göndərəcək.

Layihəni həyata keçirmək üçün 2002-ci il avqustun 1-də yaradılmış BTC Co-nun səhmdarları bunlardır: bp (30,1 faiz), AzBTC (25 faiz), MOL (8,9 faiz), Equinor (8,71 faiz), TPAO (6 ,53 faiz). faiz), Eni (5 faiz), Total (5 faiz), Itochu (3,4 faiz), Inpex (2,5 faiz), ExxonMobil (2,5 faiz) və ONGC (2,36 faiz).

Dövlət Statistika Komitəsinin məlumatına görə, 2022-ci ilin yanvar-oktyabr aylarında Bakı-Tbilisi-Ceyhan boru kəməri ilə tranzit neftin nəqli 2021-ci ilin analoji dövründəki 2,815 milyon tona qarşı 4,131 milyon ton təşkil edib. Beləliklə, BTC ilə tranzit neftin nəqli il ərzində 46,7 faiz artıb.

Hesabat dövründə BTC ilə 24,428 milyon ton neft nəql edilib ki, bu da Azərbaycanın magistral neft kəmərləri ilə vurulmuş bütün neftin (31,003 milyon ton) 78,8 faizini təşkil edir.

Twitter: @Lyaman_Zeyn

Məqalədə:
Xəbər lenti

Xəbər lenti