PCH Offshore şirkətinin azərbaycanlı əməkdaşlarının tutduqları vəzifələrdən azad olunması işi ilə bağlı ilk məhkəmə iclasının tarixi təsdiqlənib. Azərbaycanın neft və qaz sənaysi fəhlələrinin həmkarlar ittifaqlarının respublika Komitəsindən Trend ə verilən məlumata görə, fevralın 20-də Səbail məhkəməsi Vüsal Cəfərovun və Samir Nəbiyevin iddiası üzrə dinləmələri martın 2-nə təyin edib. İddiaçıların hüquqlarını vəkil Azər Quliyev müdafiə edəcək.
İddiaçıların əsas tələbləri onların şirkətdə əvvəlki işlərinə bərpa edilməsidir.
Komitədən bildirilib ki, bütün işlərin təşəbbüskarı komitədir. O həm də işin bütün maliyyə tərəflərini də həll edir.
Hazırlıq iclasında PCH Offshore tərəfdən şirkətin hüquqşünası Mehman Sultanov iştirak edib.
