Birinci yarım ildə Azərbaycan "Azəri-Çıraq-Günəşli" yatağının işlənilməsi layihəsi çərçivəsində 8,8 mln. barel gəlirli neft alıb. Bu barədə, Trend agentliyinin məlumatına əsasən, BP Azerbaijan şirkətinin prezidenti Devid Vudvord bildirib.
Onun sözlərinə görə, ilin sonuna qədər Azərbaycan gəlirli neftin satışından və Azərbaycan Beynəlxalq Əməliyyat Şirkəti üzrə tərəfdaşları tərəfindən həyata keçirilən köçürmələrdən $2,9 mlrd. əldə edəcək.
D.Vudvordun sözlərinə görə, bu il Azərbaycanda rekord həddə neft - 30 mln ton neft hasil olunacaq.
Hazırda BTC boru kəmərilə nəql olunan neft əsasən Avropa bazarlarına gedir, lakin gələcəkdə hasilatın həcmi artıqca həmin neft Süveyş kanalı vasitəsilə Şərqi Asiya ölklərinə nəql oluna bilər.
