2006-cı ilin yanvar-avqust aylarında ARDNŞ 93 882 metr həcmində qazma işləri həyata keçirib. Trend in xəbər verdiyi kimi, bu barədə şirkətdən məlumat verilib. Bu göstərici proqnozdan 6 779 metr və ötən illə müqayisədə 3 084 metr çoxdur. 2006-cı ilin avqustunda yataqlarda 13 757 metr qazma işləri həyata keçirilib.
Bu ilin 8 ayı ərzində istismar qazma işlərinin həcmi 92 497 metr olub. Bu, proqnozdan 6 744 metr və ötən illə müqayisədə 2 899 metr çoxdur. Avqustda istismar quyularının qazılma həcmi 13 502 metr təşkil edib.
Yanvar-avqust ayları ərzində kəşfiyyat qazma işlərinin həcmi 1 385 metrə bərabər olub. Bu, proqnozdan 35 metr və ötən illə müqayisədə 185 metr çoxdur. Avqustda kəşfiyyat qazma işləri 255 metr təşkil edib.
