"Şahdəniz" qazkondensat yatağındakı SDX-04 dördüncü qiymətləndirmə quyusunun cari dərinliyi hazırda 6560 metr təşkil edir. Trend in xəbər verdiyi kimi, quyunun layihə dərinliyi 7000 metrə yaxındır.
7000 metrə çatdıqdan sonra daha dərin layların tədqiqi üçün quyuda qazıntı işlərinin davam etdirilməsi gözlənilir. Qazma işləri "İstiqlal" qazıntı qurğusu vasitəsi ilə həyata keçirilir.
Qazma işlərinin dekabradək başa çatdırılması nəzərdə tutulub. "Caspian Drilling Company" (CDC) BM qazma işləri zamanı geoloji çətinliklərlə üzləşib. Qazıntı praktiki olaraq qrafikə əsasən yerinə yetirilir. Mənbələr göstərir ki, geoloji çətinliklər qazma prosesinə güclü təsir göstərməyib.
Bir qədər əvvəl "Şahdəniz" yatağının işlənilməsinin "Faza-1" mərhələsi çərçivəsində "İstiqlal" qurğusu vasitəsi ilə yataqda dördüncü qabaqlayıcı qurğu qazılıb. Quyu strukturun tağına yaxın, suyun 101 metr dərinliyində yerləşdirilmiş sualtı plitədən qazılıb. Quyu ağzı şaquli olaraq 1,44 km dərinlikdə yerləşib. Quyunun dərinliyi isə 6189 metr təşkil edib.
"Şahdəniz" layihəsində hasilat bölgüsü haqqında Müqavilənin işttirakçıları BP (operator - 25,5%), Statoil (25,5%), Azərbaycan Respublikası Dövlət Neft Şirkəti (ARDNŞ - 10%), LUKAgip (10%), NICO (10%), Total (10%) və TPAO-dur (9%).