Bakı-Tiflis-Ceyhan neft kəmərinin istismara verilməsi ilə əlaqədar SCP və BTC layihələri üzrə əhalinin investisiya proqramı (CIP) 2007-2010-cu illər üçün nəzərdə tutulmuş əhalinin gələcək investisiya proqramı ilə əvəz olunub.
Trend in məlumatına görə, Bp Azerbaijan şirkətinin ictimaiyyətlə əlaqələr və ictimai investisiyalar üzrə meneceri Ariana Əliyevanın sözlərinə görə, proqramın büdcəsi hazırlanıb və illik xərclər $2,5 mln təşkil edəcək. Layihənin ümumi büdcəsi isə $10 mln-a bərabər olacaq.
Yeni proqramın əsas məqsəd və vəzifələri: ictimai inkişafla bağlı təşəbbüslər həyata keçirilməklə əhali ilə konstruktiv qarşılıqlı əlaqənin saxlanması, milli QHT-in potensialının artırılması, iqtisadi inkişafla bağlı təşəbbüslərin dəstəklənməsi, əhali və yerli hakimiyyət orqanları arasında qarşılıqlı əlaqələrin səviyyəsinin artırılması.
Layihələrin yeni bölgü strategiyasına əsasən, 70-80% layihələrdə iştirak edən şirkətlərə veriləcək, 20-30% isə tender əsasında yeni QHT arasında bölüşdürüləcək.