Azərbaycan Dövlət Neft Şirkəti (ARDNŞ) 2008-ci ildə "Bahar-2" perspektiv strukturunda axtarış-kəşfiyyat quyusunun qazılma imkanını nəzərdən keçirir . Bu barədə Trend ə ARDNŞ-dən məlumat verilib.
"Yəqin ki, əvvəlcə bu strukturda geofizika həyata keçiriləcək. Həmçinin qazma üçün "Xəzər" tipli qurğudan istifadə etmək imkanı öyrənilir", - deyə ARDNŞ-dən bildirilib.
Şirkətdə qeyd ediblər ki, bu strukturun mürəkkəb quruluşu var.
"İndiyədək orada karbohidrogen ehtiyatı aşkar edilməmişdi. Mütəxəssislər güman edirlər ki, bu strukturda karbohidrogen ehtiyatları var", - deyə şirkətdən bildirilib.
Quyunun layihə dərinliyi təxminən 5 800 metr təşkil edəcək.
