Azərbaycan, Bərdə / Trend müxbir Ş.Cəliloğlu/ Bu gün səhər saat 12.00-dən Bərdə rayonunun işıq təhcizatında problem yaranıb. İşığın olmaması rayondakı çörək fabrikləri və içməli su artezianlarının fəaliyyətinin dayandırılmasına səbəb olub.
Bərdə Paylayıcı Elektrik Şəbəkəsindən verilən məlumata görə, işığın verilməsində fasilə təmir-bərpa işləri ilə bağlıdır. Hazırda da rayona işığın verilməsi bərpa edilməyib. Şəbəkədən bildiriblər ki, rayonun işıqla tam təmin olunması üçün daha bir neçə saat lazım olacaq.
