Azərbaycan, Bakı/müxbir Trend / Yanvar-may aylarında Dövlət Neft Şirkəti (ADNŞ) 82310 metr həcmdə qazma həyata keçirib. Bu barədə cümə günü ADNŞ-dən məlumat verilib. Bu həcm proqnozdan 8280 metr və keçən il göstəricisindən 28051 metr çoxdur. Mayda yataqlarda 18014 metr qazılıb.
Yanvar-may aylarında istismar qazma həcmi 78678 metr təşkil edib. Bu göstərici bu dövr proqnozundan 6126 metr və keçən il göstəricisindən 24669 metr çoxdur. Mayda istismar qazma 17382 metr təşkil edib.
Kəşfiyyat qazma işləri yanvar-may aylarında 3632 metr təşkil edib. Bu, proqnozdan 2154 metr və keçən il göstəricisindən 3382 metr çoxdur. Mayda kəşfiyyat qazma 632 metr təşkil edib.