Bu ay Gəncədə smart kart tipli 4000 yeni qaz sayğacı quraşdırılacaq
Azərbaycan, Gəncə/ Trend müxbir V.Məmmədov/ Bu ay Gəncədə smart kart sistemi ilə fəaliyyət göstərəcək 4000 yeni qaz sayğacı quraşdırılacaq. Bu barədə Gəncə şəhər Qaz İstismarı İdarəsinin rəis əvəzi Şubay Nəsibov məlumat verib.
Onun sözlərinə görə, artıq indiyədək şəhərdə kartla işləyən 3 min sayğac quraşdırılıb. Yeni gətirilmiş sayğaclar isə bu ay ərzində ümumiyyətlə sayğac quraşdırılmayan evlərdə qurulacaq. Köhnə sayğacların yenilənməsinə isə bütün abunəçilərin mənzilləri və obyeketləri sayğaclaşdırıldıqdan sonra başlanılacaq.
Nəsibov qeyd edib ki, bütün şəhər üzrə yeni kartla işləyən sayğaclarların quraşdırılması işi 2008-ci ilin may ayında yekunlaşacaq.
Qeyd edək ki, hazırda Gəncədə 64 000 qaz abunəçisinin 53 000 sayğacla təmin olunub.
