Bakı. Zeyni Cəfərov, tərcümə Orxan Nəbiyev - Trend:
Bu il Azərbaycan Mərkəzi Bankı yerli bankların strategiyalarında biznes kreditləşməsinə böyük diqqət ayıracaq.
Bu barədə Trend-ə Mərkəzi Bankdan bildiriblər.
Qeyd olunur ki, banklararası pul bazarının fəallaşması banklar arasında resurs axınının sürətlənməsinə və bununla da biznesin maliyyə resurslarına tələbatının təmin olunmasına gətirib çıxaracaq.
Bankdan bildiriblər ki, 2021-ci il ərzində Azərbaycanın regionlarında maliyyə ehtiyatlarına çıxışın yaxşılaşdırılmasına diqqət veriləcək. Erməni işğalından azad edilmiş ərazilərdə bank-maliyyə infrastrukturunun yaradılması "Böyük qayıdış" planlarının vacib tərkib hissəsi olacaq.
Bundan başqa, 2021-ci ildə milli iqtisadiyyatda makroiqtisadi sabitliyin dərinləşməsi, iş yerlərinin bərpası diqqət mərkəzində olacaq.