Bakı. Trend:
Azərbaycan Mərkəzi Bankı səhm bazarında vergi güzəştlərinin tətbiqi ilə bağlı dövlət strukturları ilə danışıqlar aparır.
Trend-in məlumatına görə, bunu bu gün Azərbaycan Mərkəzi Bankının Kapital bazarlarına nəzarət departamentinin direktor müavini Samir İsmayılov Bakı Fond Birjasının təşkil etdiyi "Emitent günü"nə həsr olunmuş videokonfrans zamanı deyib.
Onun sözlərinə görə, banklar gələcəkdə kapital bazarında daha fəal iştirak edə biləcək.
"Bununla bağlı işlər başa çatdıqdan sonra biz səhm bazarında da müsbət addımlar görəcəyik", - S.İsmayılov deyib.