Azərbaycan, Bakı, 26 fevral / Trend , müxbir S.Babayeva / Azərbaycanın təhsil sahəsində ilk dəfə Milli Elmlər Akademiyasının İnformasiya Texnologiyaları İnstitutu pilot layihə qismində "İnformasiya cəmiyyətinin əsasları" fənnini tətbiq edir, - çərşənbə günü institutun direktoru Rasim Əliquliyev deyib.
"İnformasiya texnologiyaları tətbiqinin genişlənməsi yolu ilə dünyadakı qlobal dəyişiklikləri, bu sahəyə artan marağı nəzərə alaraq, biz bu layihəni həyata keçirmək qərarına gəldik", - o deyib.
Bakı Dövlət Universitetinini rəhbərliyi ilə əldə edilən razılığa əsasən, yeni fənn üçüncü kurs "Jurnalistika" fakültəsi qruplarının birində tədris edilir.
Layihə fevralın 14-dən başlanıb və altı ay davam edəcək. Layihəyə "İnformasiya cəmiyyəti" anlayışı, onun məqsədi və funksiyaları, bu istiqamətdə dövlətin əsas prioritetliyi, "E - hökumət", "E-imza" daxildir.
Mühazirəni institutun direktoru, texnika elmləri doktoru, AMEA-nın müxbir üzvü Əliquliyev deyir. Onun sözlərinə görə, layihə uğurla reallaşdıqda o, tədricən digər fakültələrə və ali təhsil müəssisələrinə yayılacaq.
"Tələbələrdə fənnə maraq yüksəkdir", - o deyib. Kursu başa çatdırdıqda tələbələr imtahan verməli olacaqlar və İnformasiya Texnologiyaları İnstitutunun sertifikatını alacaqlar.
İnformasiya cəmiyyəti (Information society) - postindustrial cəmiyyətin konsepsiyasıdır; əsas istehsal məhsulu informasiya və bilik olan sivilizasiya inkişafının yeni tarixi mərhələsidir. İnformasiya cəmiyyətinini fərqləndirici xüsusiyyətləri bunlardır:
- informasiya və biliyin rolunun cəmiyyətin həyatında artması;
- ümumdaxili məhsulda informasiya kommunikasiyasının, məhsul və xidmətlərin payının artırılması,
(a) insanların səmərəli qarşılıqlı informasiya əlaqəsi,
(b) onların dünya informasiya ehtiyatlarına çıxışı,
(ç) onların informasiya məhsullarına və xidmətlərinə tələblərinin ödənilməsini təmin edəcək
qlobal informasiya məkanının yaradılması.
