Azərbaycan, Bakı, 13 noyabr/ Trend müxbir S.Babayeva/ Azərbaycan və Belarus XIV BakuTel-2008 beynəlxalq telekommunikasiya və informasiya texnologiyaları sərgisi çərçivəsində, İKT-texnologiyaları sahəsində əməkdaşlığın inkişafı üzrə birgə tədbirlər planı imzalayıblar. Bu barədə Azərbaycan Rabitə və İnformasiya Texnologiyaları Nazirliyindən bildiriblər.
"Bu addımın böyük əhəmiyyəti var, iki ölkənin əməkdaşlığına yeni imkanlar yaradır", - deyə Azərbaycanın rabitə və informasiya texnologiyaları naziri Əli Abbasov bildirib.
Sənədi iki ölkənin rabitə nazirlərinin müavinləri Elmir Vəlizadə və Nikolay Strukov imzalayıblar.
Tədbirlər planı İKT sahəsində Azərbaycan və Belarus arasında imzalanan ilk sənəddir.
O, kadrların hazırlanması və biznes - forumların keçirilməsini nəzərdə tutur.