...

"Azerpocht" maliyyə xidmətlərinin göstərilməsi üçün icazənin alınması müddətini dəqiqləqşdirib

Telekommunikasiya Materials 13 Dekabr 2008 18:23 (UTC +04:00)

Azərbaycan, Bakı,13 dekabr/ Trend , müxbir S.Babayeva/ Azerpocht Dövlət Müəssisəsi 2009-cu ilin birinci rübündə maliyyə xidmətlərinin göstərilməsi üçün Milli Bankdan lisenziya alacağını gözləyir. Bu barədə şənbə günü Dövlət Müəssisəsinin tərkibinə daixl olduğu Azərbaycan Rabitə və İnformasiya Texnologiyaları Nazirilyindən bildiriblər.

"Biz Milli Bank ilə bu istiqamətdə danışıqları davam etdiririk və düşünürük ki, lisenziyanın alınması ilə bağlı problem olmayacaq", - deyə nazirlikdən bildiriblər.

"Poçt rabitəsi haqqında" Qanuna noyabrın əvvəlində təsdiq edilmiş əlavə və dəyişikliklərə əsasən, Azerpocht-un funksiyaları, poçt xidməti, poçt hesablarının açılması və aparılması, pul köçürmələri, maliyyə müəssisələrində, o cümlədən Azərbaycan Milli Bankında müxbir hesabların açılmasını, poçt əmanətlərinin qəbulunu, ödəmə vasitələrinin, o cümlədən debit və kredit kartlarının, poçt çeklərinin buraxılışını, əcnəbi valyutanın alınmasını, nəğd pulların və digər qiymətli əşyaların inkassasiyasiyasının həyata keçirilməsi kimi maliyyə xidmətləri ilə genişləndirilib.

Rabitə Nazirliyindən bildiriblər ki, Milli Bank yeganə lisenziyanı Dövlət Müəssisəsinin bütün poçt şöbələrini əhatə endən Azerpocht DM-nə verəcək.

"Hazırda lisenziyanın alınması üçün bir sıra texniki və təşkilati məsələləri həll etmək lazımdır", - deyə Rabitə Nazirliyindən bildiriblər.

Rabitə Nazirliyində hesab edirlər ki, Azerpocht 2011-ci ilə, Dünya Bankı ilə birgə realizə edilən və əsas komponentinin maliyyə xidmətlərinin göstərilməsi olduğu "Maliyyə xidmətlərinin inkişafı" layihəsinin yekununda gəlirlə işləyən təşkilat ola bilər.

DM strukturunun tərkibinə 59 poçtamp, iki poçt müəssisəsi, iki törəmə müəssisə və səkkiz rabitə qovşağı daxildir. Respublikada Azərbaycanın bütün yaşayış məntəqələrini əhatə edən 1,3 min poçt rabitə şöbəsi fəaliyyət göstərir.

Məqalə müəllifi ilə əlaqə ünvanı - [email protected]

Xəbər lenti

Xəbər lenti