Azərbaycan, Bakı, 28 sentyabr / Trend , müxbir H.Vəliyev/
"Silverkey" şirkəti "Connect" provayder şirkəti ilə birgə rəqəmli efir-kabel televiziyası və internet xidmətlərinin onlayn-ödəmə sistemini təqdim edib. Bu barədə Trend -a "Silverkey" şirkətindən məlumat verilib.
Bu gün üçün "Connect" abunəçiləri ödəməni Visa International və Master Card beynəlxalq ödəmə sistemlərinin plastik kartları vasitəsilə şirkətin internet saytında həyata keçirə bilərlər.
Təhlükəsizliyin artırılması üçün 3DSecure İnternet transaksiyaların emalı protokolu istifadə edilir. 3DSecure təhlükəsizlik standartı Visa və Master Card tərəfindən internet şəbəkəsində kartlar vasitəsilə təhlükəsiz hesab xidmətlərinin hazırlanması üçün istifadə edilib. Visa-da bu xidmət "Verified by Visa", Master Card-da isə "Master Card Secure Code" kimi adlanır.
3DSecure texnologiyası ödəmə təhlükəsizliyinin ən qabaqcıl standartı sayılır və dələduzluq riskini minimuma endirir.
Məqalə müəllifi ilə əlaqə ünvanı: [email protected]
