Azərbaycan, Bakı, 18 mart / Trend , müxbir H.Vəliyev/
Azərbaycanın dövlət internet provayderi BakİnterNet internet istifadəçiləri tərəfindən üçüncü şəxslərə qeyri-qanuni olaraq BakİnterNet xidmətlərinin göstərilməsi faktlarının qarşısını almaq məqsədilə işlər aparır. Bu barədə Bakı Telefon Şəbəkə İstehsalat Birliyinin məlumatında deyilir.
Operatorun məlumatına görə, internet istifadəçiləri çıxış tariflərindən sui-istifadə edərək və provayderlə imzalanmış müqavilənin bəndlərini pozaraq provayderin xidmətlərini alıb-satırlar ki, bu da öz növbəsində digər istifadəçilər üçün texniki problemlər yaradır.
Provayderin yaranmış vəziyyətə reaksiyasına son günlər internet cəmiyyətində guya provayderin təqdim etdiyi internet xidmətlərinin tariflərinin azaldılması məsələsinin müzakirəsi səbəb olub. BakİnterNet rəsmi olaraq bildirib ki, şirkətin internet xidmətləri üzrə tarif siyasətində heç bir dəyişiklik olmayıb.
Bu gün BakİnterNet-in ADSL texnologiyaları üzrə internet xidmətləri istifadəçilərinin abunəçi bazası min istifadəçiyə çatır.