Azərbaycan, Bakı, 24 dekabr /Trend, müxbir H.Vəliyev/
İlin əvvəlindən etibarən "Xalq kompüteri" layihəsi çərçivəsində təqdim edilən kompüterlərin sırası yenilənəcək. Bu barədə cümə günü HP şirkətinin fərdi sistemlər qrupunun inkişafı üzrə Azərbaycandakı meneceri Rasim Baxşı deyib.
Baxşının sözlərinə görə, layihə çərçivəsində güzəştli şərtlərlə satılacaq yeni məhsullar arasında 14 düymlük displeylə "ProBook 4720s" və 15 düymlük diaqonallı "ProBook 4525s" modelləri olacaq.
Yeni ildə tələbatdan asılı olaraq Windows 7 əməliyyat sisteminin Azərbaycan dilinə lokallaşdırıldığı masaüstü və fərdi kompüterlərin tədarükü də gözlənilir.
"BestComp Group" (layihənin operatoru) şirkəti gələn il satış həcminin 15 min ədədə çatacağını gözləyir.