Azərbaycan, Bakı, 4 fevral /Trend H.Vəliyev/
IPv6 protokoluna keçid İnternet-servis-provayderlərin şəbəkə infrastrukturunun modernləşdirilməsini tələb edəcək. Bu barədə cümə günü Trend-ə Azərbaycanda domen.az-ın qeydiyyatçısı olan "IntraNS" şirkətinin baş direktoru Faiq Fərmanov deyib.
Fərmanovun sözlərinə görə, protokolun yeni versiyasına uğurlu keçid üçün aparat vasitələri və proqram təminatını yeniləmək lazım olacaq.
Bu, IPv6 protokolunda işləyən server və marşrutizatorların IPv4 protokolunda istifadə edənlərlə uyğun olması üçün vacibdir.
IPv4 protokolunun resursuna gəldikdə isə, Fərmanovun sözlərinə görə, hələ ki imkanlar tükənməyib və o yaxın iki-üç il ərzində AzNET-in gələcək genişlənməsi üçün təhlükə yarada bilməz.
"O vaxta qədər Azərbaycan yeni protokola keçid üçün hazır olacaq,"- Fərmanov deyib.
IPv6 protokoluna keçidin vacibliyi bir neçə səbəblə bağlıdır, onların arasında ən mühümü ünvan məkanının çatışmazlığıdır. Fevralın 3-də IANA (Internet Assigned Numbers Authority) səkkiz IPv4 blokundan son beşini regional internet qeydiyyatçılar arasında bölüşdürüb. Bu günə regional qeydiyyat xidmətləri tərəfindən ünvan diapazonlarının ayrılması davam etdirilir və araşdırmalara əsasən mövcud ünvanlar cari ilin sentyabrında başa çatacaq.
