Azərbaycan, Bakı, 14 sentyabr /Trend, müxbir H.Vəliyev/
STEFI sisteminin Ukrayna ilə növbəti sınağına oktyabr ayında başlanacaq. Bu barədə Trend-ə çərşənbə günü Azərbaycan Rabitə və İnformasiya Texnologiyaları Nazirliyinin Poçt rabitəsi şöbəsinin müdiri və Regional Rabitə Birliyinin Poçt Rabitəsi Komissiyasının sədri Novruz Məmmədov deyib.
Onun sözlərinə görə, STEFI sistemi sentyabrda işə salınmalı olsa da, sistemin əsas serverində baş vermiş problemlərlə əlaqədar proses ləngidilib.
"Hazırda sistemin tamamlanması gedir, bu, sentyabrın sonunadək başa çatmalıdır. Sonra sistem oktyabrda növbəti sınağa çıxacaq və bundan sonra açıq istismara veriləcək", - o deyib.
Gələcəkdə sistem Rusiya, Belarus və Qazaxıstan istiqamətində də işə salınacaq.
