Azərbaycan, Bakı, 25 noyabr /Trend müxbir H.Vəliyev/
Azərbaycanın mobil rabitə operatorları mərhələli şəkildə abunəçiləri üçün rominq xidmətlərinin tariflərini endirir. Trend-in məlumatına görə, bu barədə cümə günü jurnalistlərə Azərbaycanın rabitə və informasiya texnologiyaları naziri Əli Abbasov deyib.
Abbasovun sözlərinə görə, ümumilikdə bu növ xidmətlər üzrə endirim trafik həcminin əsas payına malik olan ölkələrdə müşahidə edilir. Bu ölkələr əsasən Rusiya, Türkiyə, İran və digərləridir.
"Rominq qiymətlərinin azalması tamamilə Azərbaycan tərəfindən asılı deyil, belə ki, bu prosesdə bütün aspektlər ikitərəfli qaydada həll edilməlidir. Bununla bağlı mövcud istiqamətdə iş davam etdirilir", - nazir bildirib.