Azərbaycan, Bakı, 15 mart /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Bakı Telefon Rabitəsi" İstehsalat Birliyi (İB) genişzolaqlı internet portlarının sayını 2823 ədəd artırıb. Trend-in məlumatına görə, bu barədə cümə axşamı nazirliyin yaydığı məlumatda deyilir.
Məlumata əsasən, portlar Bakı və paytaxt qəsəbələri üzrə operatorun telekommunikasiya qovşaqlarında işə salınıb.
Hazırda özəl servis-provayderlərin portları nəzərə alınmaqla, BTRİB şəbəkəsi üzrə genişzolaqlı internet portlarının sayı 210 min ədədi ötür.
Portların ümumi sayından 160 minə yaxını aktivdir.
"BakinterNet" dövlət internet-provayderin şəbəkəsində isə portların sayı 65 min ədədi ötür.