Azərbaycan, Bakı, 25 aprel /Trend, müxbir A.Tağıyeva/
Türkiyənin elm, texnologiya və sənaye naziri Nihat Ergün Azərbaycanın rabitə və informasiya texnologiyaları naziri Əli Abbasovun dəvəti ilə cümə axşamı Bakıya rəsmi səfərə gələcək. Trend-in məlumatına görə, bu barədə "Cihan" agentliyi xəbər verib.
Səfər çərçivəsində nazir rabitə və informasiya texnologiyaları naziri Əli Abbasovla, iqtisadi inkişaf naziri Şahin Mustafayevlə, sənaye və energetika naziri Natiq Əliyevlə, AMEA-nın rəhbəri, professor Mahmud Kərimovla ikitərəfli danışıqlar aparacaq.
Türkiyəli nazirin Prezident İlham Əliyevlə də görüşü gözlənilir.