Azərbaycan, Bakı, 6 sentyabr /Trend, müxbir H.Vəliyev/
Azərbaycanın "Dilmanc" proqram təminatı istehsalçısı onlayn-lüğətə (dict.dilmanc.az) Azərbaycan dilində olan sözlərin ingilis və rus dillərinə tərcüməsi funksiyasını əlavə edib. Bu barədə cümə axşamı Trend-ə şirkətdən bildiriblər.
Qeyd edək ki, söz formalarının maşın tərcüməsi sistemi ilk dəfə olaraq ilin əvvəlində təqdim edilib və onun imkanları yalnız rus və ingilis dillərindən Azərbaycan dilinə tərcümələrlə məhdudlaşırdı.
Yeni sistem sözün hansı hal, növ və ya sayda verilməsindən asılı olmayaraq, tərcümə etməyə imkan verir. Tərcümədən başqa, lüğət istifadəçilərə tərcümə edilən söz haqqında əlavə geniş məlumat təqdim edir. Məsələn, onun təyinatı, tətbiq konteksti, həmçinin cümlələrdə işlənmə nümunələri.