Azərbaycan, Bakı, 3 dekabr /Trend, müxbir H.Vəliyev/
Azərbaycanın ilk milli peykinin buraxılması layihəsinin ümumi dəyəri təxminən 230 milyon dollardır. Trend-in məlumatına görə, bu barədə bazar ertəsi jurnalistlərə Azərbaycanın rabitə və informasiya texnologiyaları naziri Əli Abbasov bildirib.
"Bura yerüstü idaretmə stansiyalarının tikintisi üzrə xərclər, həmçinin sığorta xərcləri daxildir", - nazir deyib.
Onun sözlərinə görə, peykin sığortalanmasına 17 milyon dollar sərf olunub.
"Bu məbləğdən 16 milyon dollar peykin 100 faizlik sığortalanmasına düşür, bir milyon dollar isə sığorta məbləğinə verilən zəmanətdir", - Abbasov bildirib.