Azərbaycan, Bakı 10 dekabr /Trend, müxbir H.Vəliyev/
2013-cü ildə Azərbaycanda ISO 27000 standartlarına uyğun sertifikasiyaya başlanılacaq. Bu barədə bazar ertəsi Trend-ə "SGS Azeri" şirkətinin icraçı direktoru Sabiq Abdullayev deyib.
Abdullayevin sözlərinə görə, standart 2010-cu ildə qəbul edilib və hazırda söhbət respublikanın dövlət, eləcə də özəl müəssisələrinin həmin standartlara uyğun sertifikatlaşdırılmasından gedir.
"Standartın tətbiq edilməsi hazırda "Elektron Azərbaycan" dövlət proqramının həyata keçirilməsi çərçivəsində xüsusi aktuallıq kəsb edir. Elektron xidmətlərin ISO 27001 standartına uyğun sertifikasiyası şəffaflığı təmin edəcək və vətəndaşların elektron xidmətlərə çıxışını asanlaşdıracaq", - Abdullayev qeyd edib.
