...

Azərbaycan “Vikipediya” açıq ensiklopediyasında iştirakını genişləndirəcək

Telekommunikasiya Materials 16 May 2013 10:40 (UTC +04:00)

Trend-i buradan izləyin

Azərbaycan, Bakı, 16 may /Trend, müxbir H.Vəliyev/

Azərbaycan Milli Elmlər Akademiyasının (AMEA) İnformasiya Texnologiyaları İnstitutu (İTİ) "Vikipediya" azad ensiklopediyasında məqalələrin sayının artırılması təşəbbüsü ilə çıxış edib. Bu barədə Trend-ə İTİ-dən bildirilib.

İTİ-dən bildirilib ki, bu istiqamətdə işlər Azərbaycanda elan edilən "İKT ili" çərçivəsində AMEA-nın fəaliyyət planında nəzərdə tutulub. Hazırda "Vikipediya"da 37,6 milyondan artıq məqalə yerləşdirilib və bu rəqəm dinamik şəkildə artır. Azərbaycanın virtual ensiklopediyaya daha sıx inteqrasiyası ölkənin daha çox tanınmasına və informasiya müharibələrində davamlılığına gətirib çıxaracaq.

Məlumatda deyilir ki, Azərbaycan açıq ensiklopediyada təqdim edilən 286 ölkə arasında 47-ci yeri tutur: "Müqayisə üçün: Gürcüstan 52, Ermənistan isə 68-ci pillədə qərarlaşıb. Son 8 ildə "Vikipediya" da təqdim olunan Azərbaycan məqalələrin sayı əhəmiyyətli dərəcədə artıb. Əgər 2004-cü ildə "Vikipediya"da qeydə alınan məqalənin sayı ümumilikdə 25 ədəd idisə, bu gün bu rəqəm 94,6 min rəqəmi keçib. Lakin bu da son hədd deyil və ictimaiyyətə tarixi, coğrafi, dil və başqa məqalələr təqdim etməklə bu sahəyə daha çox diqqət ayırmaq lazımdır".

Məqalədə:
Xəbər lenti

Xəbər lenti