Azərbaycan, Bakı, 27 may /Trend, müxbir H.Vəliyev/
Azərbaycan Mərkəzi Bankı (AMB) yanında Maliyyə Monitorinqi Xidmətinin informasiya texnologiyaları sahəsində xidmətlərin satın alınması məqsədi ilə tender elan edib. Trend-in məlumatına görə, bu barədə Tender Komissiyasının bazar ertəsi "Xalq qəzeti"ndə dərc olunan məqaləsində bildirilir.
Məlumata əsasən, tender baş mühasibatlıq sisteminin təkmilləşdirilməsi və dəstəklənməsi, veb-saytın dəstəklənməsi, istifadə olunan proqram təminatlarının dəstəklənməsini və lisenziyalarının uzadılması, istifadə olunan avadanlıqların dəstəklənməsi, İP-telefoniya sisteminin dəstəklənməsini və daxili lokal şəbəkələrin yoxlanılmasını nəzərdə tutur.
Tenderdə iştirak haqqı 150 manat təşkil edir. Tenderdə iştirak etmək istəyənlər ərizə və bank arayışını 16 iyul 2013-cü il saat 18:00-dək, AMB-nin Maliyyə Monitorinqi Xidmətinin inzibati binasına təqdim etməlidirlər.
Tender təkliflərinin açılışı 17 iyul saat 15:00-da olacaq.
Tenderlə bağlı əlavə məlumatı əldə etmək üçün aşağıdakı ünvana müraciət etmək olar:
Tel.: 598-20-56 (daxili 220).
Əlaqələndirici şəxs: Məmmədyar Novruzov
