Azərbaycan, Bakı, 16 avqust /Trend, müxbir H. Vəliyev/
Sentyabr ayında Naxçıvan şəhərində rəqəmsal TV-nin kommersiya paketinin işə salınma müddəti elan ediləcək. Bu barədə cümə günü Trend-ə "B&BTV Communications" şirkətində bildirilib.
Kommersiya paketi HD formatında yayımlanacaq yerli "Naxçıvan TV" -də daxil olmaqla 69 kanaldan ibarət olacaq.
Hazırda Naxçıvan şəhərində sosial rəqəmsal paket mövcuddur ki, onun da tərkibinə bütün ümumrespublika telekanalı, Türkiyənin TRT telekanalı, iki yerli kanal ("Kanal-35" və Naxçıvan TV) daxildir. Rəqəmsal kontentin yayımlanacağı ötürücü Duzdağ teleradio stansiyasında quraşdırılıb.
Naxçıvan Muxtar respublikası ərazisində sosial rəqəmsal paketin genişləndirilməsi layihəsinin növbəti mərhələsində Şərur, Sədərək və Ordubad rayonlarında ötürücülərin quraşdırılması nəzərdə tutulub.
